|
SubscriptionsSites I Read
|
|
|
|
| 新一年又開始 29號突然病重,凌晨兩三點嘔吐大作,一晚嘔左6,7次..第二朝SICK LEAVE,屋企樓下兩個醫生都放假.唯有去瑪麗醫院睇急症.打完針之後都仲嘔左1次.全日都好辛苦,然後訓左大半日,好D了.本來安排的聚會都泡湯了 31號在家收拾東西,掉了4大袋垃圾.其中包括一盒以前男朋友第1次送比我的麵包超人玩具.那盒玩具對現在的我來說太幼稚.之前念在很有紀念價值留下來,因為那是我當年做義工之後的禮物,另外一個義工都有的.如果我沒去做義工,我會無前幾年開心的回憶,但如果我沒去做義工,我就唔會每一次諗起呢個人都覺得心痛.心像被挖一個大洞,傷口結焦但洞仍在.我一定唔會返轉頭,要向前行,向前行..唔再浪費時間,新一年我會好好努力. 自從中學開始我已經好恨去旅行,畢業紀念冊上我寫的是要環遊世界.無奈自己唔係出生有錢人家總不能一年去幾次旅行,今年有幸去兩次旅行可以散心,實在要感謝上天的恩賜.中學時代貼在床尾的三張圖: 巴黎鐵塔夜景, LONDON BRIDGE的POSTCARD, LONDON EYE夜景,昨日收拾東西時把它們撕下來了.接下來應該有新的目的地了~ 都好大個人了,今年我生日唔想收禮物,只想朋友請我食蛋糕食飯就OK.細個就話好恨收禮物,而家真係覺得GATHER下就開心.而且送禮物都好浪費,自問係個收禮物都幾厭尖既人,如果唔鍾意我真係唔會用,亦唔想搵位放.加上個個都成日好忙,沒時間挑選,都唔想朋友頻頻撲撲.大家肯約我同我慶祝已經好好好滿足了.近年開始好多時都係同一日臨GATHER之前先一齊去買,亦試過買左D我覺得生日果個朋友唔會好鍾意既野,好似為左買而買咁.我寧願真係睇arm先買.如果真係朋友,我唔介意我有送比人,人無送比我.上年試過有兩個朋友一齊生日,個個都話唔得閒買,攪到我好煩惱 (因為我SO CALLED最得閒),又驚其他人唔鍾意,都心灰意冷...而且我好怕人無意見乜都話無所謂一Ｄ主意都唔出,等人地照顧佢.可能因為我有陰影,我唔想叫野食呀,買野呀都係我幫人開聲叫.以前的他就係咁被動了 雖然沒乜人再睇呢個BLOG,但如果你係我好朋友睇到,就記得嚕~LOVE YOU | | |
| 我個頭真係好痛............. 前晚收工已經痛,,第二日起身想SICK LEAVE,,,痛到對眼自己流眼水,,,,但係都照返.個頭好似,有人全日不停敲住咁,,,我已經食左10粒PANADOL.... 究竟幾時先停? :'( | | |
| 星期五同b返左科大跑草地,見到有人玩O CAMP, 跳CAMP FIRE...成吉思汗,狂歡 ;)
星期六去打波,發生了趣趣事.我踎在地下,小心翼翼地將5個網球放地上,驚佢地碌走.然後朋友問...."你做咩呀...拜神呀?" XD 夜晚哥哥陪我行旺角同滾東東 
今晚個GATHERING,好開心~! 我地去CAFE玩左新既MONOPOLY CARD GAME,好好玩,仲有大話啤.我都話我唔講大話架啦 
仲有個叔叔,TOUCH佢手叫佢幫我地映相,然後佢放底手.....
| | |
| 呢兩日,發生左一件小事,觸發我又諗,又喊...
太多太多野令我諗起以前開心相處的片段...多到我幾時都諗到D事講比你聽...
今日眼很腫.....樣衰到唔敢出街食飯....今晚返左科大....唔開心的時候在草地跑係最RELAX...情緒我忍左一日...要爆炸... <假使有日能忘記> 為什麼不可以 忘掉記憶中許多
埋藏內心中傷感事宜
為什麼不可以 重新將心清洗一次
如從頭活過一切再開始
永遠心中背負著往時
何以我說易行難太不智
舊記憶 講不出有多重
時刻隱隱作痛 常無意中觸碰
舊記憶 全沒法解釋心裡
假使有日為了妳
假使有日能忘記 因妳
| | |
| 哈哈,好耐無開xanga..睇下footprint...一個人都無...唔緊要,自己同自己傾下計
屋企電腦壞左,好少機會上網hea. 今日lunch time好靜,正~
今日因為一d事...無話開唔開心...只係個心有d唔平靜只
原來自己休息左一年
以前我係好蠢,不過好勤力
而家仍然好蠢,無以前咁勤力
要start to pick up the momentum... 返到hk我喊過幾次..有一次,去半月灣,諗起,第一次同佢一齊去....
summer第一堂教手工...諗起第一次見面的情景
九龍灣戲院,你知道嗎,那一次我跟他去,他買錯了另一間同在九龍灣的戲院,買了popcorn,哈哈笑到碌地
看電影沖天救兵,很感人的,一行行眼淚.我以前好少.差不多次次睇戲都好容易喊 低能的我..打了一千個sms給別人...回應還不夠十個 算了,新電話,我一個都無send過.舊sms全沒了.算了 聯絡很久沒見的朋友,很開心..大家沒變,仍然低b...一輪癲喪...回家後,朋友來電,說原來有看這裡,問我有冇事呀(雖然已經過了很久...) 心裡還是感動的...surprised 朋友提起才發現,原來我有個happy summer..去旅行,去沙灘...快d encore happy moment 就好喇~ | | |
|
